Bio fia di Tirola
deutsch tirolerisch

Geboan in Tirol hot da Schlagzeiger Sebaschtian Schwarz im Olter von ocht Joa angfongen sich fia Klossische Musik z intressian. Wegn dem Klong von de großn Orkeschta hota Geige spiln wolln. Untaricht hota vom Lehra Peter Lefor kriagt, und zwoa siebn Joa long. Und dann ischa zur Musikhauptschul Innschbrugg im O-Dorf gongen. Dort hota seine erschtn Erfahrungen im Onsomblspieln gmocht und a no viel onderes üba Musik glernt.
Zua der Zeit in da Schual isch sei Interesse fia moderne Musik imma gressa wordn und deswegn hota mit 16 Joa zum Schlagzeig gwegslt. Nochand hota glei sei ertschte Bänd gründet, Schlogzeig-Untaricht an da Musikschual Innschbrugg gnommen und den hotta donn durch de Teilnahme von Wörkshops bereichat. In di nägschtn Joa hota in diversn Gruppn dea Tirola Szene Zeig wie Rock, Tschäs, elektronische Musik, und natürlich a in ana Musikkapelln gschpilt.
2005 hota sei dreijährigs Studium am Tirola Londeskonservatorium Innschbrugg (Lehrgong fia Tschäs- und Populamusik) begonnen. Wobei ea im letschtn Studienjoa sich intensiva mit Perkaschn-Inschtrumentn wie Kongas, Pandero, Udu, Rahmentrommel und Kleinperkaschn beschäftigt hot.
2008 ischa nach Wien gongen um am VMI Diplom- und IGP zu studian. Des hotta dann 2012 beides mit Auszeichnung abgschlossn. Nebenfach woa übrigens Klavia. Seit dem isch ea als Musika und Inschtrumental-Lehra tätig.
In Wien hota scho mit einigen Leit zamgorbeitet: Im Indie-Pop mit Raphael Sas, Kid-cat LoFi, Mob (Problembär Records), Projekte im Bereich Tschäs und Improwisazion (u.a. Tschäswerkstott Wien) und dem Kwartett Quärfekt, afrikanische Musik mit Guy Ndongla, brasilianische Musik, Musik für Kinda mit Oliver Steger (Jakobs Manege), unterschiedliche Säschns, Rockabilly und elektronische Bänds.